Video paylaşım platforması, Çinə məxsus ByteDance-ın törəmə şirkəti TikTok-un ABŞ-da istifadəsinə qadağa qoyula bilər. ABŞ Konqresində qadağa ilə bağlı yeni qanun isə səsvermədən sonra Senate-a göndərilib.
BBN.az NBC News TV-yə istinadən xəbər verir ki, qadağa məsələsinə səbəb isə Çinin amerikalıların şəxsi məlumatlarının oğurlanması, həmin məlumatlardan 2024-cü ilin noyabrda baş tutacaq prezident seçkilərində istifadəsi ehtimalı və ümumilikdə milli təhlükəsizlik məsələsindən qaynaqlanır.
Öz növbəsində isə TikTok ABŞ hökuməti tərəfindən olan bütün ittihamları təkzib edir və əlavə edir ki, amerikalıların data-ları yalnız onların özlərinə məxsus server-də saxlanılır.
Qeyd edək ki, TikTok-un ABŞ-da qadağa edilməsi 170 milyon amerikalı (əksəriyyətinin milyondan çox izləyiciləri var-red.) istifadəçilər və 7 milyondan çox kiçik bizneslər üçün təhlükə deməkdir.
Prezidentliyə namizəd Donald Trump isə qeyd edib ki, onun TikTok-u ölkə səviyyəsində qadağa edilməsi ilə bağlı bir fikri yoxdur. Seçicilər isə əmindirlər ki, TikTok-un qadağa olunması məsələsi onların bu il keçiriləcək prezident seçkilərində qərarlarına təsir edəcək. Səsvermədə iştirak edəcək seçicilərin 22%-i isə platformanı gündə 1 dəfə və daha çox istifadə edirlər.