ABŞ-ın Kentucky regionunun Louisville şəhərində yerləşən “Old National Bank”ına silahlı basqın olub. BBN.az NBC News TV kanalına istinadən xəbər verir ki, silahlı yaşları 40-64 arası olan 5 nəfəri öldürüb və 9 nəfəri isə yaralayıb.
Yerli polis bölməsindən isə bildirilib ki, basqın təsadüfi olmayıb və silahlı elə hadisə yerində öldürülüb. Hadisəni törədən isə 25 yaşlı gənc olub və basqın anını Instagram profili üzərindən canlıya alıb. Meta-dan isə qeyd edilib ki, onlar canlı yayımı dərhal platformadan qaldırıblar. Silahlı hücum zamanı polis nəfərlərindən biri beynindən zədə alıb, xəstəxanada əməliyyat edilsə də vəziyyəti hələ də ağır olaraq qiymətləndirilir.