ABŞ-ın seçilmiş prezidenti Donald Tramp vəzifəyə gəldikdən sonra Meksika və Kanadadan gələn məhsullara 25%, Çindən gələn məhsullara isə əlavə 10% gömrük rüsumu tətbiq edəcəyini açıqlayıb. Bu addımın arxasında məqsəd ölkəyə narkotik və cinayət gətirən karvanların qarşısını almaq üçün sərhəd təhlükəsizliyini artırmaqdır.
BBN.az xəbər verir ki, bu barədə ABŞ-nin yeni seçilmiş prezidenti Donald Tramp “Truth” sosial şəbəkəsindəki səhifəsində bildirib.
O vurğulayıb ki, minlərlə insan Meksika və Kanadadan ABŞ-yə daxil olur və özləri ilə misli görünməmiş miqyasda cinayət və narkotik ticarəti gətirir. Buna görə də Trampın andiçmə mərasimindən dərhal sonra ilk icra sərəncamlarından biri ABŞ-yə Meksika və Kanadadan göndərilən bütün mallara 25% rüsum tətbiq etmək olacaq.
Tramp qeyd edib ki, Meksika və Kanadanın hakimiyyət orqanlarının bu uzun müddətdir davam edən problemi həll etmək üçün hər cür imkanları var.
