Cümə günü ABŞ-ın səhm bazarı məşğulluq ilə bağlı müsbət hesabatdan sonra artıb. Yeni hesabat əmək bazarına oktyabrda 261.000 yeni iş yerinin əlavə edildiyini nümayiş etdirib.
BBN.az Business Insider nəşrinə istinadən xəbər verir ki, S&P 500 1.12% artaraq 3.761.61 olub.
Dow Jones isə 1.07% yüksələrək 32.342.12, texnologiya ağırlıqlı NASDAQ isə 0.97% artaraq 10.443.24 olub.
Qeyd edək ki, ekspertlər isə bildirirlər ki, məşğulluq ilə bağlı yeni hesabat ABŞ əmək bazarının olduqca güclü olduğunu, gəlirlərin artdığını göstərir. Bu isə ölkənin Mərkəzi Bankının (FED) istədiyi ən son hadisədir, çünki güclü əmək bazarı inflyasiyanı yüksəkdə saxlayır.