Karantin rejiminin yumşaldılması, bir sıra qadağaların aradan qaldırılması ölkədə iqtisadi stabilliyin bərqərar olmasına, uzunmüddətli dövrdə isə iqtisadi artıma gətirib çıxara bilər. Bu barədə, Almaniya Yenidənqurma Kredit İnstitutu (KfW) proqnoz verib.
Frankfurt mərkəzli institut hesabatında Almaniya iqtisadiyyatının ilin birinci yarısında 6% kiçiləcəyini proqnozlaşdırıb. Bununla yanaşı, qeyd olunub ki, koronavirus pandemiyasının ikinci dalğası baş vermədiyi təqdirdə yay aylarına doğru iqtisadiiyat stabilləşəcək və bu 2021-ci ildə 5%-lik artımın əldə olunması ilə nəticələnəcək.
Məlumat üçün qeyd edək ki, koronavirus pandemiyasının səbəb olduğu zərərlər 300 milyard avro civarında proqnozlaşdırılıb. Avrozona ölkələrinin 2020-ci il üçün iqtisadi artım göstəricisi isə -7% səviyyəsində qeyd olunub.