Nəhəng “Apple” şirkətinə məxsus olan “Apple Watch”un yeni seriyalarının ABŞ-da satışı dayandırılıb.
BBN.az NBC News TV-yə istinadən xəbər verir ki, bildirilir ki, ABŞ-da baş verən patent qalmaqalına rəğmən yeni seriyaların satışları isə digər ölkələrdə davam edəcək. Söhbət isə “Watch Series 9” və “Apple Watch Ultra 2”dən gedir. “Ağıllı saat”ın daha ucuz versiyası olan “Apple Watch SE”nin satışları isə davam edir və satışları ilə bağlı qadağa bu versiyaya şamil edilməyəcək.
Daha əvvəl də xəbər verdiyimiz kimi “Apple”dan bildirilib ki, satışların dayandırılmasında əsas səbəb isə patent ilə bağlı “Masimo” tərəfindən “Apple”ın günahlandırılması olub. Rəqibi “Masimo”dan qeyd ediblər ki, onlar bizim texnologiyanı tətbiq ediblər. “Apple” isə şirkətin bu ittihamları ilə razı olmadığını və müştərilərə xidmət göstərmək üçün bütün hüquqi və texniki prosedurlara baş vuracaqlarını bildiriblər. Əlavə ediblər ki, tez bir zamanda amerikalı müştərilər üçün satışları bərpa istiqamətində çalışacaqlar.