Azərbaycan Respublikasının Qida Təhlükəsizliyi Agentliyinin (AQTA) nəzdində fəaliyyət göstərən Azərbaycan Qida Təhlükəsizliyi İnstitutu maliyyə hesabatlarının auditi xidmətinin satın alınması məqsədilə açıq tender elan edib.
Tenderdə iştirak haqqı 25 manat təşkil edir.
İddiaçılar təkliflərini martın 6-na qədər İnstitutun Bakı şəhəri, Binəqədi rayonu, Süleyman Sani Axundov küçəsi, 73C ünvanında yerləşən inzibati binasına təqdim edə bilərlər. Təkliflərə həmin gün saat 16:35-də göstərilən ünvanda baxılacaq.
Məlumata görə, ötən il keçirilmiş analoji tenderin qalibi “Azəruçot” şirkəti olub və qalib şirkətə 8 min manat ödənilib.