Səudiyyə Ərəbistanının milli neft şirkəti olan “Saudi Aramco”nun ilin birinci yarısında xalis mənfəəti neft qiymətlərinin aşağı olması səbəbindən əvvəlki ilin eyni dövrü ilə müqayisədə 29,5% azalıb.
Səudiyyə Aramco tərəfindən açıqlanan maliyyə balansına görə, şirkətin yanvar-iyun dövründə xalis mənfəəti 61,9 milyard dollara qədər azalıb. Şirkət ötən ilin eyni dövründə 87,9 milyard dollar xalis mənfəət əldə etdiyini açıqlamışdı.
Gözləntilərin altında olan nəticələrin qlobal iqtisadi qeyri-müəyyənliklərin təsiri ilə xam neft qiymətlərinin aşağı düşməsi və neft emalı zavodunun mənfəət marjasının azalması ilə bağlı olduğu bildirilib.
Bəyanatda fikirləri yer alan Saudi Aramco-nun baş icraçı direktoru (CEO) Amin Nasser, neft qiymətlərindəki zəif kursa uyğun olaraq, şirkət mənfəətinin düşməsinə baxmayaraq, şirkətin orta və uzunmüddətli böyümə strategiyasının plana uyğun olaraq irəlilədiyini ifadə etdi.
2022-ci ilin birinci rübündə xalis mənfəətini əvvəlki ilə nisbətən 82% artıran Aramco yüksək neft qiymətlərindən yararlanaraq dünyanın ən dəyərli şirkəti sıralamasında ABŞ-ın texnologiya şirkəti Apple-ı 2020-ci ildən sonra ilk dəfə olaraq geridə qoyaraq liderliyi qazanmışdı.