Asiya fond bazarlarında həftə qarışıq dinamika ilə başlayıb. Regionda texnologiya sektorundakı itkilər və Yaxın Şərqdə (İran ətrafında) artan geosiyasi risklər investorları ehtiyatlı davranmağa məcbur edir.
BBN.az xəbər verir ki, qlobal bazarlardakı bu qeyri-müəyyənliyə rəğmən, Yaponiyadan gözlənilməz müsbət xəbər gəlib. Ölkənin birinci rüb üzrə Ümumi Daxili Məhsulu (ÜDM) proqnozları üstələyərək artım nümayiş etdirib. Bu göstərici Yaponiya iqtisadiyyatının daxili tələb sayəsində hələ də dayanıqlı olduğunu sübüt edir.
Buna baxmayaraq, xüsusilə çip istehsalçıları və böyük texnologiya şirkətlərinin səhmlərindəki enişlər regional indekslərin ümumi artımını məhdudlaşdırıb. İnvestorlar hazırda həm geosiyasi prosesləri, həm də mərkəzi bankların növbəti faiz qərarlarını yaxından izləyirlər.