Fransanın Baş naziri Sebastyan Lekornyunun istefası xəbərindən sonra avro ABŞ dolları qarşısında 0,77 faiz dəyər itirib. “Report”un məlumatına görə, ticarət əməliyyatlarında 1 avronun məzənnəsi 1,1743 ABŞ dollarından 1,1653 ABŞ dollarına düşüb.
Paralel olaraq, 1 ABŞ dollarının yapon yeninə nisbəti artıb. Belə ki, 1 dollar əvvəlki bağlanışdakı 147,45 yendən 150,19 yenə yüksəlib. Dollar indeksi (ABŞ-nin ticarət tərəfdaşı olan 6 ölkənin valyuta səbətinə nisbətdə məzənnə) isə 0,78 faiz artaraq 98,48 bəndə çatıb.