Avropa Avtomobil İstehsalçıları Assosiasiyası (ACEA) 2021-ci ilin üçüncü rübü üçün Avropanın avtomobil bazarı göstəricilərini açıqlayıb. Hesabatda əsas gözəçarpan məqam elektriklə işləyən avtomobil satışının ötən ilin cari rübünə nisbətdə 56.7% artaraq 212 min 582 ədədə çatması və Avropa Birliyi (EU) regionu üzrə 9.8%-lik bazar payına yiyələnməsi olub.
Ümumilikdə istifadəsində elektrikdən istifadə edilən (elektromobil, hibrid, taxıclı hibrid) avtomobillərin ümumi sayı 859 min 388 ədədə yüksəlib və bazarda 39.6% ilə ən çox satılan avtomobil növü olub. . Geri qalan bazar payının 39.5%-i benzinli, 17.6%-i dizellə işləyən, 3.3%-i isə digər avtomobillərin payına düşüb.
Əsas geriləmə isə dizellə işləyən avtomobillərdə qeydə alınıb. Belə ki, üçüncü rübdə dizel mühərrikli avtomobil satışı 50.5% azalaraq 381 min 473 səviyyəsinə geriləyib.