Avropa bazarları 2022-ci ildə 2018-ci ildən bu yana ən pis ilini qeyd edib. Rusiyanın Ukraynadakı müharibəsi, yüksək inflyasiya, pul siyasətinin sərtləşdirilməsi bütün dünyada risk aktivlərinə zərər vurub.
BBN.az CNBC Business-ə istinadən xəbər verir ki, Stoxx 600 index-i 2022-ci ilin son ticarət həftəsində bütün illə müqayisədə 12%-dən çox enib. Bu isə 2018-ci ildəki illik 13.24%-lik azalmadan bu yana ən pis performans olub.
Enerji qiymətlərinin və inflyasiyanın yüksəlməsindən dolayı yaşam xərcləri, həm müştərilər, həm də bizneslər üçün artıb. Qlobalda Mərkəzi Banklar isə yüksək inflyasiya ilə mübarizə aparmaq üçün aqressiv faiz artımı qərarları qəbul etmişdilər.
Ukraynadakı müharibə ilə bağlı hər-hansı bir işarənin olmaması, Çinin 3 il davam edən qapanmalardan dolayı iqtisadiyyatı yenidən bərpa etməsi 2023-cü ildə investorlar üçün bəzi qorxuların olacağının əlamətidir.