Avropa İttifaqı Statistika Bürosunun (EUROSTAT) hesabatına əsasən 2021-cu ilin ikinci rübündə Avrozonada ev qiymətləri ötən ilin müvafiq dövrünə nisbətdə 6.8% artıb. Avropa Birliyi ölkələrində isə bu göstərici 7.3% olub. Ötən rübə, yəni 2021-in ilk rübünə nisbətdə isə ev qiymətlərində artım 2.6% olub.
Ötən ilin ikinci rüb göstəriciləri ilə müqayisə etsək, ev qiymətlərində ən çox artım müşahidə olunan ölkələr Estoniya (16.1%), Danimarka (15.6%) və Çexiya (14.5%) olub. Avropada ev qiymətlərinin azaldığı yeganə ölkə isə Kipr (-4.9%) olub.
