Avropa Birliyi Statistika Ofisi (EUROSTAT) ötən ilin dekabr ayında Avropada pərakəndə ticarətin həcmi ilə bağlı hesabat yayınlayıb. Hesabata istinadən, pərakəndə ticarət həcmi noyabr ayına nisbətdə Avrozonada (19 ölkə) 1.6%, Avropa Birliyi ölkələrində (27 ölkə) isə 1.3% azalıb.
2018-ci ilin dekabr ayı göstəriciləri ilə müqayisə etdikdə, Avropa Birliyi ölkələrində 1.3%-lik, Avrozonada isə 1.9%-lik artım müşahidə olunub.
Noyabr ayına nəzərən pərakəndə ticarət göstəricilərində ən böyük artım İrlandiyada (2.7%), ən böyük geriləmə isə Almaiyada (-3.3%) qeydə alınıb.