Avropa Mərkəzi Bankının (ECB) idarə etdiyi Target 2 (T2) iri məbləğli ödəniş sistemi son günlər texniki nasazlıqla üzləşib. Hadisə Avropanın maliyyə bazarlarında diqqət çəkərək ödəniş infrastrukturunun dayanıqlılığı ilə bağlı müzakirələrə səbəb olub.
ECB tərəfindən verilən məlumata görə, baş verən nasazlıq kiberhücum nəticəsində yaranmayıb və hadisənin səbəblərinin aradan qaldırılması istiqamətində müvafiq tədbirlər görülüb. Bank, sistemin təhlükəsizliyi ilə bağlı hər hansı pozuntu qeydə alınmadığını bildirib.
Mütəxəssislər qeyd edirlər ki, T2 sistemi Avrozonada banklararası iri həcmli ödənişlərin həyata keçirilməsində mühüm rol oynayır. Bu səbəbdən sistemdə baş verən hər hansı texniki problem maliyyə bazarlarının fəaliyyətinə və ödəniş proseslərinə birbaşa təsir göstərə bilər.
Ekspertlərin fikrincə, rəqəmsal ödənişlərin həcminin sürətlə artdığı şəraitdə maliyyə institutları üçün əsas prioritetlərdən biri ödəniş infrastrukturunun dayanıqlılığını gücləndirmək, sistemlərin yüksək əməliyyat yükü altında fasiləsiz işləməsini təmin etmək və mümkün texniki nasazlıqların müştərilər və bazar iştirakçıları üçün yaratdığı təsirləri minimuma endirməkdir.