Avropa Statistika İdarəsi (Eurostat) Avropa İttifaqı (Aİ) və Avro Bölgəsinin sentyabr ayı işsizlik göstəricilərini dərc edib. Məlumatlara görə Aİ-də sentyabr ərzində işsizlik nisbəti demək olar ki, dəyişməz qalıb.
BBN.az xəbər verir ki, Avrozonada avqustda 6,4% olan işsizlik nisbəti sentyabrda 6,5% olub.
Ötən ilin sentyabrında işsizlik səviyyəsi Avro bölgəsində 6,7%, Aİ-də isə 6,1% olaraq müəyyən edilib. Aİ-yə uyğun məlumatlara görə sentyabrda işsizlik nisbəti İspaniyada 12, Yunanıstanda 10, İsveçdə 7,8, İtaliya və Estoniyada 7,4, Fransa və Finlandiyada isə 7,3 faiz təşkil edib. Sentyabr ayında 25 yaşdan kiçik işsiz gənclərin sayı Aİ-də 2 milyon 741 min, Avro bölgəsində isə 2 milyon 232 min olaraq təyin olunub. Gənclər arasında işsizliyin səviyyəsi Aİ-də 14,2 faiz, Avrozonada isə 14 faiz olaraq ölçülüb.