Avstraliya Mərkəzi Bankı (RBA) iki ildən sonra ilk dəfə əsas faiz dərəcəsini 25 baza bəndi artıraraq 3,85%-ə yüksəldib.
Bankın açıqlamasında bildirilib ki, ölkə iqtisadiyyatı gözləniləndən daha sürətlə böyüyür və inflyasiyanın hələ bir müddət hədəf səviyyədən yuxarı qalacağı ehtimal olunur.
İki günlük iclasın yekununda RBA qeyd edib ki, özəl sektor tələbi güclənib, istehsal gücü üzərində təzyiqlər artıb və əmək bazarı hələ də sıx olaraq qalır.
Qərar bazarlar üçün sürpriz olmayıb. Çünki dördüncü rübdə inflyasiya proqnozları üstələyib, istehlak xərcləri kəskin artıb, işsizlik isə dekabr ayında son 7 ayın minimumuna enib.
Mütəxəssislər hesab edirlər ki, bu addım Avstraliya Mərkəzi Bankının inflyasiya ilə mübarizədə daha sərt mövqeyə keçdiyini göstərir.