4 noyabr 2025-ci il Azərbaycan Banklar Assosiasiyasının (ABA) nümayəndə heyəti Almaniyaya işgüzar səfəri çərçivəsində ilk görüşünü Almaniya Əmanət Bankları və Giro Assosiasiyası (Deutscher Sparkassen- und Giroverband – DSGV) ilə keçirib.
Görüş zamanı tərəflər bank sektorunda etibarlılıq, təhlükəsizlik və dayanıqlılıq prinsipləri, həmçinin ödəniş sistemləri və fırıldaqçılığın qarşısının alınması istiqamətində tətbiq olunan qabaqcıl təcrübələr barədə fikir mübadiləsi aparıblar.
ABA nümayəndə heyətinin Almaniyaya səfərinin əsas məqsədi bankçılıq sahəsində innovasiyalar, rəqəmsal maliyyə, kibertəhlükəsizlik və ödəniş sistemləri istiqamətlərində təcrübə mübadiləsini həyata keçirmək, eləcə də beynəlxalq əməkdaşlıq əlaqələrini genişləndirməkdir.
Səfər çərçivəsində nümayəndə heyətinin Almaniyanın aparıcı maliyyə qurumları — Almaniya Banklar Assosiasiyası (Bundesverband deutscher Banken – BdB), Almaniya Federal Bankı (Deutsche Bundesbank), “BNY Mellon”, “Commerzbank”, “Akbank” və digər nüfuzlu maliyyə institutları ilə görüşləri də planlaşdırılır.