Azərbaycan-Qırğızıstan İnkişaf Fondu (AQİF) Qırğızıstana məxsus “Eldik Bank” ilə birgə investisiya layihələrinin reallaşdırılması məqsədilə əməkdaşlıq memorandumu imzalayıb.
BBN.az Qırğızıstan KİV-nə istinadən verdiyi məlumata istinadən xəbər verir ki, sənəd AQİF-in İdarə Heyətinin həmsədrləri İqbal Babayev və Zamirbek Osmonov, həmçinin “Eldik Bank” İdarə Heyəti sədrinin birinci müavini Akılbek Turdaliyev tərəfindən imzalanıb.
Razılaşmaya əsasən, tərəflər Azərbaycan və Qırğızıstan üçün strateji əhəmiyyət kəsb edən və qarşılıqlı maraq doğuran layihələrin icrasına dəstək verəcəklər.
Bununla yanaşı, sahibkarlığın inkişafı, iqtisadiyyatın modernləşdirilməsi və ikitərəfli əməkdaşlıq imkanlarının genişləndirilməsi də əsas prioritetlərdən biri olacaq.