Mərkəzi Bankın nümayəndə heyəti Özbəkistan Respublikası Hökumətinin təşkilatçılığı ilə 3-4 noyabr 2022-ci il tarixlərində Səmərqənd şəhərində keçirilən “İqtisadi islahatların mərkəzində insanlar” mövzusunda “2-ci Özbəkistan İqtisadi Forumu”nda iştirak edirlər. Nümayəndə heyətinə AMB-nin sədr müavini, İdarə heyətinin üzvü Əliyar Məmmədyarov rəhbərlik edir.
BBN.az xəbər verir ki, bu barədə məlumatı AMB öz rəsmi sosial şəbəkələrində açıqlayıb.
Forumda strateji prioritetlərə diqqət yetiriləcək, makro davamlılıq, iqlim dəyişikliyi, özəl sektor və insan kapitalı, öyrənilmiş dərslər, siyasət qərarlarının insanlara və biznesə təsirlərinə dair geniş müzakirələr aparılacaqdır.