Azərbaycanın bank sektoru 2025-ci ilin yanvar-noyabr aylarında 1 milyard 58,9 milyon manat xalis mənfəət göstərib.
Bu göstərici ötən ilin eyni dövrü ilə müqayisədə 9,6% çoxdur.
11 ay ərzində bankların əməliyyat gəlirləri 6 milyard 223,5 milyon manat olub ki, bu da bir il əvvələ nisbətən 22% artım deməkdir. Əməliyyat xərcləri 4 milyard 521,7 milyon manat təşkil edib və 27,8% yüksəlib. Xüsusi ehtiyatlara ayrılan məbləğ 377,1 milyon manatdır, bu da 2% artımı göstərir. Gözlənilməz xərclər 0,3 milyon manat olub — bir il əvvəl isə gəlir qeyd olunub. Mənfəət vergisi ödəmələri isə 265,5 milyon manat təşkil edib ki, bu da 14,3% çoxdur.