2025-ci ildə Azərbaycanda data xidmətlərinin göstərilməsindən 65 milyon 415 min manat gəlir əldə edilib.
Bu göstərici 2024-cü illə müqayisədə 20,8 % artıb.
Hesabat dövründə internet xidmətlərinin göstərilməsindən əldə olunan gəlir 636 milyon 372 min manat təşkil edib. Bu, əvvəlki illə müqayisədə 35 % çoxdur.
Bundan əlavə, məlumatların işlənməsi, veb səhifələrin hazırlanması və idarə olunması ilə bağlı fəaliyyətdən 186 milyon 915 min manat gəlir əldə olunub. Bu sahədə gəlirlər illik müqayisədə 10,3 % azalıb.
Radio və televiziya verilişlərinin translyasiyası, həmçinin proqramların tərtibindən 110 milyon 503 min manat gəlir əldə edilib ki, bu da illik 2,4 % artım deməkdir.
Peyk rabitəsi xidmətlərindən əldə olunan gəlir 69 milyon 105 min manat olub və illik müqayisədə 40,5 % artıb.
Kinofilmlərin, video və televiziya proqramlarının istehsalı ilə əlaqədar fəaliyyətdən 51 milyon 930 min manat gəlir əldə olunub. Bu göstərici əvvəlki illə müqayisədə 2,1 % artıb.
Nəşriyyat fəaliyyətindən əldə olunan gəlir isə 39 milyon 210 min manat təşkil edib. Bu sahədə illik artım 27,2 % olub.