2025-ci ilin yanvar–noyabr aylarında Azərbaycanda debet kartları ilə həyata keçirilən əməliyyatların ümumi həcmi 126 milyard 839 milyon manat olub.
BBN.az Azərbaycan Mərkəzi Bankının məlumatına istinadən xəbər verir ki, , bu göstərici ötən ilin eyni dövrü ilə müqayisədə 20,6% və ya 21 milyard 693 milyon manat artım deməkdir.
Hesabat dövründə debet kart əməliyyatlarının 72,5 milyard manatı elektron ticarətin payına düşüb. 39,5 milyard manat bankomatlar, 11,4 milyard manat POS-terminallar, 3,4 milyard manat isə ölkə xaricində aparılan əməliyyatlar vasitəsilə reallaşıb.
Qeyd edək ki, 2025-ci il dekabrın 1-nə olan məlumata əsasən, Azərbaycanda 19 milyon 737 min debet kartı dövriyyədədir.