Bu ilin yanvar–noyabr aylarında Azərbaycanda icbari sığorta növləri üzrə 331,339 milyon manat sığorta haqqı toplanılıb.
BBN.az Azərbaycan Mərkəzi Bankına istinadən xəbər verir ki, bu göstərici 2024-cü ilin eyni dövrü ilə müqayisədə 7 % çoxdur.
Hesabat dövründə icbari sığorta növləri üzrə ödənişlərin həcmi 131,691 milyon manat təşkil edib. Bu isə illik müqayisədə 4,5 % artım deməkdir.
Nəticədə, 11 ay ərzində icbari sığorta bazarında toplanmış hər 100 manat sığorta haqqının 39,7 manatı ödəniş kimi geri qaytarılıb. Bu göstərici ötən ilin eyni dövründə 40,7 manat olub.
Xatırladaq ki, yanvar–noyabr aylarında Azərbaycanda fəaliyyət göstərən 16 sığorta şirkəti üzrə ümumilikdə 1 milyard 365,354 milyon manat sığorta haqqı toplanılıb. Bu da illik müqayisədə 11,7 % artım deməkdir.
Eyni dövrdə sığorta şirkətlərinin həyata keçirdikləri ümumi ödənişlərin həcmi 844,833 milyon manat olub ki, bu da 21,7 % artım göstərir. Beləliklə, sığorta bazarında toplanmış hər 100 manatın 61,9 manatı ödəniş edilib (ötən il – 56,8 manat).