Azərbaycanda mikrokreditlərin həcmi 2026-cı ilin yanvar ayının əvvəlinə 3 milyard 560 milyon manat təşkil edib.
BBN.az Banker.az-a istinadən xəbər verir ki, ilin əvvəli ilə müqayisədə mikrokredit portfelində artım qeydə alınıb. Belə ki, 2025-ci ilin yanvarında mikrokreditlərin həcmi 3 milyard 107 milyon manat olub. Bir il ərzində göstərici 453 milyon manat və ya təxminən 14,6 % artıb.
Məlumata görə, 2025-ci il ərzində mikrokreditlərin həcmi ümumilikdə artan dinamika üzrə dəyişib.
Qeyd edək ki, 1 yanvar 2026-cı il tarixinə biznes kreditlərinin ümumi həcmi 16 milyard 106,3 milyon manat olub. Bununla da son bir ildə mikrokreditlərin ümumi kredit portfelində payı 21 %-dən 22 %-ə yüksəlib.