İnformasiya və rabitə sahəsində fəaliyyət göstərən müəssisələr tərəfindən 2023-cü ilin yanvar-oktyabr aylarında əvvəlki ilin müvafiq dövrü ilə müqayisədə göstərilmiş xidmətlərin dəyəri real ifadədə 15,8 faiz artaraq 2546,1 milyon manat təşkil edib.
BBN.az Dövlət Statistika Komitəsinə istinadən xəbərinə görə bu xidmətlərin 73,1 faizi əhali tərəfindən istehlak olunub.
Xidmətlərdən əldə edilən gəlirin 37,6 faizi və ya 957,3 milyon manatı mobil telefon rabitəsi sahəsində formalaşıb.