Bu ilin yanvar-oktyabr aylarında Azərbaycanın sığorta bazarında yığımlar 1 milyard 255,9 milyon manat təşkil edib. Bu barədə məlumatı Azərbaycan Mərkəzi Bankı açıqlayıb.
Ötən ilin eyni dövrü ilə müqayisədə bazarda 12,8% artım qeydə alınıb.
Hesabat ayında sığorta şirkətləri tərəfindən həyata keçirilən ödənişlərin məbləği 772,6 milyon manat olub ki, bu da illik müqayisədə 24,1% çoxdur.
Məlumata görə, sözügedən dövrdə sığorta bazarında toplanmış hər 100 manat sığorta haqqının 61,5 manatı ödənişlərə yönəlib. Ötən ilin eyni dövründə bu rəqəm 55,9 manat təşkil edirdi.