Bu ilin yanvar-oktyabr aylarında Azərbaycanda məcburi dövlət sosial sığorta haqları üzrə daxilolmalar, təxminən, 3,7 milyard manat təşkil edib.
BBN.az İqtisadiyyat Nazirliyi yanında Dövlət Vergi Xidmətinə istinadən xəbər verir ki, bu, ötən ilin eyni dövrü ilə müqayisədə 18,4 % çoxdur.
On aylıq daxilolmaların 2,4 milyard manatı qeyri-büdcə təşkilatlarının payına düşüb. Bu isə 1 il əvvələ nisbətən 19,7 % çoxdur.
Hesabat dövründə işsizlikdən sığorta haqları üzrə daxilolmalar isə 128,4 milyon manat olub ki, bu da ötən ilin eyni dövrü ilə müqayisədə 19,6 % çoxdur. O cümlədən, qeyri-büdcə təşkilatları üzrə daxilolmalar 19,9 % artaraq 95,3 milyon manata çatıb.
On ay ərzində icbari tibbi sığorta haqları üzrə daxilolmalar isə ötən ilin eyni dövrünə nisbətən 39,4 % artaraq 662 milyon manat təşkil edib. O cümlədən, qeyri-büdcə təşkilatları üzrə daxilolmalar 50,7 % artaraq 461,1 milyon manat olub.