“AzFinance İnvestisiya Şirkəti” “AzeSteelCompany” ASC-dəki payını satıb.
BBN.az bu barədə investisiya şirkətinə istinadən xəbər verir. Məlumata görə, “AzFinance” bu ilin ilk yarısında istehsalat müəssisəsindəki 4,45 mln. ədəd səhmini və ya 70 faizlik payını satıb.
Qeyd edək ki, “AzeSteelCompany” 2023-cü ilin birinci yarısında 1,5 milyon manat zərər edib. Şirkət keçən il üzrə tam hesabatını açıqlamasada, yığılmış zərərin 3,9 mln. manata çatdığı bildirilib.
Şirkət 2003-cü ildə “Ekspress-C” MMC olaraq təsis edilmişdir. 2021-ci ildə “Express-C” MMC hüquqi statusunu dəyişərək Açıq Səhmdar Cəmiyyətə çevrilmişdir. Şirkət 2022-ci ildə rebrendinq edərək “AzeSteelCompany” ASC adı altında fəaliyyətini davam etdirir.