Bakıda iki yol sahəsində nəqliyyat vasitələrinin hərəkəti qısamüddətli olaraq məhdudlaşdırılacaq.
BBN.az xəbər verir ki, aparılacaq təmir işləri ilə əlaqədar 20 sentyabr saat 08:00-dan 21 sentyabr saat 22:00-dək Yasamal rayonunda aşağıdakı yol sahələrində hərəkət müvəqqəti olaraq tam məhdudlaşdırılacaq:
– Cəfər Cabbarlı küçəsində – A.A.Bakıxanov küçəsindən B.Bağırov küçəsinədək olan hissədə;
– Xarici Dairəvi avtomobil yolunun yan yolunda – Məhəmməd Xiyabani küçəsindən Moskva prospektinədək olan hissədə.
Sürücülərdən və vətəndaşlardan göstərilən tarix və saatlarda qeyd olunan yol sahələrindən istifadə etməmələri və hərəkətlərini alternativ marşrutlar üzrə planlaşdırmaları xahiş olunur.