TON Fondu, Toncoin kriptovalyutasının sahiblərinə on il müddətinə Birləşmiş Ərəb Əmirliklərinə ( BƏƏ ) “qızıl viza” əldə etməyə imkan verəcək proqramın başladığını elan edib .
BBN.az xəbər verir ki, bu barədə şirkətin saytında məlumat verilib.
Viza üç il müddətinə 100.000 ABŞ dolları sərmayə qoyan və 35.000 ABŞ dolları rüsum ödəyən Toncoin sahiblərinə veriləcək.
Viza ərizəçilərin ailə üzvlərinə də veriləcək.
Sənədlər təxminən yeddi həftə ərzində işlənə bilər. Şirkət bu proqramı BƏƏ-nin ənənəvi “qızıl viza”sına alternativ adlandırıb.
Məlumata görə, onu əldə etmək üçün daha çox xərcləməlisən – daşınmaz əmlaka və ya biznesə ən azı 540.000 dollar sərmayə qoymalısan.