ABŞ-ın həftəsonu Venesuela prezidenti Nikolas Maduronu həbs etməsi ilə bağlı xəbərlər qlobal bazarlarda siyasi qeyri-müəyyənliyi artırıb.
BBN.az xəbər verir ki, bu fonda kriptovalyuta bazarında alış aktivliyi güclənib və Bitkoin son üç həftənin ən yüksək səviyyəsinə yüksəlib.
Ticarət sessiyası zamanı Bitkoin 2,3 faizə qədər bahalaşaraq 93 221 dollar səviyyəsini sınaqdan keçirib. Hazırda isə kriptovalyuta 1,48 faiz artımla 92 580,78 dollar ətrafında ticarət olunur.
Digər kriptovalyuta aktivlərində isə artım daha məhdud olub. Ethereum 0,6 faiz bahalaşaraq 3 161 dollar səviyyəsinə yüksəlib. Analitiklər hesab edirlər ki, mövcud siyasi proseslər davam edərsə, kriptovalyuta bazarında volatillik yüksək olaraq qala bilər.