Rəsmi məlumatlara, əsasən Böyük Britaniya iyunda Rusiyadan rekord səviyyədə heç bir yanacaq idxal etməyib. Eyni zamanda, Rusiyadan malların idxalı da düşüb, 33 milyon funt sterlinqə. Bu isə 1997-ci ilin yanvarından bəri rekord aşağı rəqəmdir.
BBN.az BBC.com-a istinadən xəbər verir ki, bu haqda Böyük Britaniyanın Milli Statistika Komitəsinin məlumatında bildirilib.
Rusiyanın Ukraynaya fevralın 24-dən bəri işğalçı hücumundan sonra, Qərb ona qarşı iqtisadi sanksiyalar tətbiq etmişdi. Böyük Britaniya ilin sonuna qədər Rusiyadan gələn neft idxalını, təbii qaz idxalını isə ən qısa zamanda dayandırmağa söz verib.
Rusiyadan yanacaq idxalı fevral ayına qədər əvvəlki 12 ayın orta göstəricisi ilə müqayisədə 499 milyon funt-sterlinq və ya 100% azalıb.
Beynəlxalq Enerji Agentliyinin məlumatına, əsasən 2021-ci ildə ölkə təbii qazın 4%-ni, neftin isə 11%-ni Rusiyadan idxal edirdi.
Rusiyaya ümumi ixrac isə fevral ayına qədər əvvəlki 12 ayın orta göstəricisi ilə müqayisədə demək olar ki, 70%-ə qədər enib.