Böyük Britaniyada popular sosial platforma TikTok uşaqların məxfiliyini qorumadığı üçün 12,7 milyon funt sterlinq cərimə edilib.
BBN.az xəbər verir ki, araşdırma nəticəsində Böyük Britaniya İnformasiya Komissiyasının Sədrliyi (ICO) TikTok-un Məlumatların Qorunması Qanununa uyğun gəlmədiyini müəyyən edib.
ICO-ya görə, TikTok 2018-ci ilin mayından 2020-ci ilin iyuluna qədər bu qanuna əməl etməyib, platformadan kimin istifadə etdiyini lazımi səviyyədə yoxlamayıb və 13 yaşdan kiçik uşaqları platformadan çıxarmaq üçün müvafiq səy göstərməyib.
Öz növbəsində, TikTok isə ICO-nun qərarı ilə razılaşmadığını açıqlayıb. Şirkət BBC-yə verdiyi açıqlamada 13 yaşından kiçik uşaqların tətbiqə girişinin qarşısını almaq üçün böyük səylər göstərdiyini vurğulayıb.