BP 2022-ci ilin iyul-sentyabr periodunu əhatə edən, III rübdə yüksək gəlir əldə edib. Bu isə Rusiyanın Ukraynaya hücumundan sonra artan yüksək neft və qazın qiymətlərindən dolayı baş verib.
BBN.az BBC Business-ə istinadən xəbər verir ki, nəhəng neft şirkəti müvafiq dövrdə 8.2 milyard dollar, yaxud 7.1 milyard funt sterlinq əldə edib ki, bu da 2021-ci ilin müvafiq 3 ayı ilə müqayisədə 2 dəfədən çox artım deməkdir.
BP-dən deyiblər ki, mayda hökumətin təqdim etdiyi plan çərçivəsində 2022-ci ildə 800 milyon dollar büdcəyə transfer (windfall tax-red.) edəcəklər. Bu layihə isə Böyük Britaniyanın hazırki Baş naziri Rishi Sunak tərəfindən təqdim edilmişdi. Həmçinin həmin dövrdə o, qeyd edirdi ki, 2022-ci ildə neft şirkətlərinin əldə etdiyi əlavə qazanclardan vergilərin miqdarı 5 milyard funt sterlinqə çatacaq.
Şirkətin əldə etdiyi gəlir isə ekspertlərin proqnozlarından çoxdur. Lakin cari ilin II rübünün nəticələri ilə müqayisədə azdır, bu isə BP-nin ümumi neft satışlarının enməsi ilə bağlıdır.