Böyük Britaniyada dörd günlük iş həftəsinin tətbiqi ilə bağlı eksperiment aparılacaq. Bu eksperimentə minlərlə işçi iştirak edəcək.
BBN.az xəbər verir ki, bu barədə “Guardian” qəzeti məlumat verib.
Məlumatda bildirilir ki, işçilərə maaşlarını itirmədən əlavə istirahət günləri təklif olunacaq.Qeyd olunur ki, kampaniyanın məqsədi təcrübənin nəticələrini yayda Leyboristlər hökumətinə təqdim etməkdir.
Təcrübədə 17 müəssisənin iştirak edəcəyi, daha dördünün isə sonra qoşulacağı bildirilir. Bununla belə, bəzi şirkətlər hər iki həftədən bir əlavə istirahət günü olan cədvəli sınaqdan keçirəcəklər.
Qəzetin müşahidəçiləri vurğulayırlar ki, Leyboristlər hökumətini dörd günlük həftə tətbiq etməyə inandırmaq çətin ola bilər, çünki bu, ilkin olaraq hakimiyyətin planlarına daxil edilməyib.