Qlobal Dijital Yayım platforması olan Netflix-in abunəçi bazası 2023-cü ilin ikinci rübündə təxminən 5,9 milyon nəfər artıb. Şirkətin dünya üzrə abunəçiləri isə illik müqayisədə 8% artaraq 238,4 milyon nəfərə çatıb.
BBN.az bildirir ki, Netflix-in bu ilin ikinci rübünün nəticələrinə əsasən şirkətin gəliri 8,2 milyard ABŞ dollarına çatıb. Ötən ilin aprel-iyun aylarında şirkətin gəliri 7,9 milyard ABŞ dolları olub.
Şirkətin xalis mənfəəti ikinci rübdə 1,5 milyard ABŞ dollarına çatıb. Keçən ilin ikinci rübündə Netflix-in xalis mənfəəti 1,4 milyard ABŞ dolları olub.
Şirkətin səhm üzrə qazancı da eyni dövrdə 3,20 ABŞ dollarından 3,29 ABŞ dollarına yüksəlib.