Cari əməliyyatlar balansının profisiti (CƏB) 2026-cı il üzrə 2,8–3 milyard ABŞ dolları, 2027-ci il üzrə isə 2,7–2,8 milyard ABŞ dolları səviyyəsində proqnozlaşdırılıb.
Bunu uçot dərəcəsi ilə bağlı keçirilən mətbuat konfransında Taleh Kazımov bildirib.
Mərkəzi Bank sədrinin sözlərinə görə, makroiqtisadi proqnozlar enerji qiymətləri üzrə baza ssenarisinə əsaslanır. Belə ki, Azərbaycan neftinin qiyməti 2026 və 2027-ci illər üçün 64 ABŞ dolları səviyyəsində götürülüb.
Təbii qaz üzrə isə min kubmetrin qiyməti:
-
2026-cı il üçün 269 ABŞ dolları,
-
2027-ci il üçün 254 ABŞ dolları səviyyəsində proqnozlaşdırılıb.
Qeyd edək ki, CƏB-in profisitli qalması ölkənin xarici sektor dayanıqlığı və valyuta bazarında tarazlığın qorunması baxımından mühüm əhəmiyyət daşıyır.