Çin Xalq Bankı (PBOC) iyun ayı üçün gözlənilən qərarını açıqlayıb və 1 illik, eləcə də 5 illik kredit faiz dərəcələrini (LPR) sabit saxlayıb.
Bu addımla Çin ardıcıl 13-cü aydır ki, monetar siyasətində dəyişikliyə getmir. Analitiklər ölkənin iqtisadi artım tempini stimullaşdırmaq üçün bazara əlavə likvidlik daxil edəcəyini və ya faizləri endirəcəyini gözləsə də, Çin rəsmiləri hazırkı iqtisadi vəziyyətdə mövcud dərəcələri saxlamağın daha məqsədəuyğun olduğunu vurğulayıb. Xüsusilə daşınmaz əmlak bazarındakı çətinlikləri aradan qaldırmaq üçün atılan son tədbirlərin təsirlərinin hələ də izlənildiyi bildirilir.
Qlobal bazarlar isə Çinin növbəti dövrdə daha radikal stimullaşdırıcı addımlar atıb-atmayacağını diqqətlə izləməyə davam edir.