Çinin Xalq Bankı (Mərkəzi Bank-red.) son 3 ayda 2-ci dəfədir ki, əsas faiz dərəcələrini azaldıb. Dünyanın ikinci ən böyük iqtisadiyyatının olduğu Çin pandemiyadan sonra bərpa məsələsində çətinlik çəkir.
BBN.az BBC Business nəşrinə istinadən xəbər verir ki, Çin Xalq Bankı əsas faiz dərəcələrini 3.55%-dən 3.45%-ə endirib.
Çinin iqtisadi bərpasında çətinlik daşınmaz əmlak bazarında böhran, ixracın azalması və zəif istehlakçı xərclərinə görə daha da artıb. Ancaq maraqlıdır ki, digər ölkələr yüksək inflyasiya ilə mübarizə aparmaq üçün əsas faiz dərəcələrini artırırlar.