Aprel ayından etibarən Maliyyə Nazirliyi tərəfindən vahid xəzinə hesabının sərbəst qalığının yerləşdirilməsi üzrə keçirilən depozit hərracları bank sektorunun likvidlik mövqeyinə artırıcı təsir göstərməkdə davam edir.
Bu barədə Azərbaycan Mərkəzi Bankı məlumat yayıb. Bildirilib ki, formalaşan şəraitdə AMB 1 həftəlik açıq bazar əməliyyatları vasitəsilə pul siyasətindən kənar amillərin AZIR-ə təsirini minimallaşdırmağa çalışır.
Mərkəzi Bank əlavə edib ki, pul bazarında aktivlik yüksək olaraq qalır. 2025-ci ilin 8 ayı ərzində təminatsız bazarda əqdlərin sayı ötən ilin eyni dövrü ilə müqayisədə 19% artıb.