ABŞ Prezidenti Donald Trampın Avropa ölkələrinə qarşı yeni tarif hədələri fonunda qlobal bazarlarda riskdən qaçış güclənib. Bu fonda dollar əsas valyutalara qarşı zəifləyib, investorlar isə yen və İsveçrə frankı kimi təhlükəsiz aktivlərə üstünlük veriblər.
Reuters-in məlumatına görə, Tramp 1 fevraldan etibarən Danimarka, Norveç, İsveç, Fransa, Almaniya, Hollandiya, Finlandiya və Böyük Britaniyadan idxal olunan məhsullara əlavə 10% tarif tətbiq ediləcəyini bildirib. Qrenlandiya ilə bağlı razılaşma əldə olunmazsa, tariflərin iyunun 1-dən 25%-ə qədər artırılması nəzərdə tutulur.