Dünya bazarında qızılın qiyməti təxminən 1% artıb. BBN.az birjalara istinadən xəbər verir ki, Nyu-Yorkun “Comex” birjasında qızılın aprel fyuçersləri 0,88% və ya 16,4 ABŞ dolları bahalaşaraq 1 unsiyası 1 883,6 dollara satılıb.
Gümüşün may fyuçerslərinin qiyməti isə 1,47% artaraq 1 unsiyası 20,808 ABŞ dolları təşkil edib. Dolların ucuzlaşması və ABŞ Federal Ehtiyat Sisteminin (FED) faiz dərəcəsi ilə bağlı gözləntiləri qızılın qiymətinin artımını dəstəkləyir.
Bu arada ABŞ dollarının indeksi (ABŞ-ın ticarət tərəfdaşı olan altı ölkənin valyuta səbətinə nisbətdə məzənnəsi) 0,69% düşərək 103,85 bənd təşkil edib.