Əmək və Əhalinin Sosial Müdafiəsi Nazirliyinin tabeliyindəki DOST Rəqəmsal İnnovasiyalar Mərkəzinə (DOST RİM) üç beynəlxalq İSO sertifikatı təqdim edilib:
İSO 9001:2015 (“Keyfiyyəti İdarəetmə Sistemi”),
İSO 20000-1:2018 (“İnformasiya Texnologiyaları Xidmətləri İdarəetmə Sistemi”),
İSO 27001:2022 (“İnformasiya Təhlükəsizliyinin İdarəolunması”).
DOST RİM hər üç İSO üzrə bütün mərhələləri uğurla keçərək, müvafiq istiqamətlərdə aparılan qiymətləndirmənin nəticəsi olaraq həmin standartlara layiq görülüb.
Mərkəzdə standartların idarəetmə sistemində tətbiqi, habelə informasiya təhlükəsizliyi və risklərin, innovativ yeniliklərin idarə edilməsi sistemlərinin yerli və beynəlxalq tələblərə uyğunlaşdırılması və yekun olaraq müəssisənin sertifikatlaşdırılması həyata keçirilib.
Qeyd olunan İSO sertifikatlarının tələblərinə əsasən DOST RİM tərəfindən Nazirliyin fəaliyyət sahələri üzrə e-xidmətlərin yaradılması və bu e-xidmətlərin dayanıqlığı təmin olunaraq, İT proseslərində və əməliyyatlarında davamlı təkmilləşdirmə işlərinin aparılmasında keyfiyyətli idarəetmənin tətbiqi və s. təşkil edilib.
DOST RİM-in fəaliyyətinin İSO standartlarına uyğun qurulması Mərkəzin fəaliyyət sahələri üzrə görülən işlərin keyfiyyətinin daha da yüksəlməsində və innovasiyaların tətbiqi prosesinin, idarəetmə sisteminin təkmilləşdirilməsi istiqamətində önəmli rola malikdir.