İngiltərə mərkəzli beynəlxalq strateji konsaltinq şirkəti “Brand Finance” özündə telekommunikasiya şirkətlərinin dəyərinə görə sıralamasını əks etdirən “Telecoms 150” hesabatını dərc edib.
Hesabata istinadən, sözügedən kateqoriyada dünyanın ən dəyərli şirkəti “Verizon” olub. Baxmayaraq ki, şirkətin marka dəyəri ötən ilə nisbətən 10.5% azalaraq, 63.7 milyard ABŞ dolları olub. “AT&T” 32.1% ucuzlaşaraq, 59.1 milyard ABŞ dolları ilə ikinci yerdə qərarlaşıb. Üçüncü olan “China Mobile” şirkətinin ümumi dəyəri isə 11.9% azalaraq 49.03 milyard ABŞ dolları olub. Sıralamada dördüncü və beşinci yerlər isə müvafiq olaraq, “T Mobile” (39.95 milyard $) və “NTT Group” (36.35 milyard $) şirkətlərinə layiq görülüb.