Avropa Yenidənqurma və İnkişaf Bankı (EBRD) 2025-ci ildə Azərbaycanda 10 layihənin maliyyələşdirilməsi üçün 81 milyon avro vəsait ayırıb.
Məlumata görə, ötən il dekabrın 31-nə EBRD-nin Azərbaycandakı layihələr üzrə kredit portfeli 906 milyon avro təşkil edib. Portfelin 40 %-i özəl sektorun payına düşüb. Hazırda ölkədə Bankın 36 aktiv layihəsi mövcuddur.
Hazırkı portfelin 90 %-i (812 milyon avro) davamlı infrastrukturun inkişafına, 7 %-i (64 milyon avro) maliyyə institutlarına, 3 %-i (30 milyon avro) isə korporativ sektora yönəldilib.
Ümumilikdə, EBRD Azərbaycandakı 201 layihəyə 3,648 milyard avro investisiya yatırıb. Bankın ölkədəki əməliyyat aktivləri 31 dekabr 2025-ci il tarixinə 695 milyon avro təşkil edib.
Qeyd edək ki, 2024-cü ildə EBRD Azərbaycanda səkkiz layihənin maliyyələşdirilməsi üçün 199 milyon avro kredit ayırıb ki, bu da 2023-cü illə müqayisədə 27,6 % və ya 43 milyon avro çoxdur.