“SpaceX”, “Tesla”, eyni zamanda “Twitter” şirkətinin rəhbəri Elon Musk “bir neçə il” fəaliyyətsiz qalan sosial medianın qeyri-aktiv hesablarını silməyi və arxivləşdirməyi planlaşdırdığını açıqlayıb.
BBN.az BBC Business-ə istinadən xəbər verir ki, oktyabrda sosial media platformasını alan Musk “tərk edilmiş yerləri boşaltmağın vacib olduğunu” söyləyib.
Qeyd edək ki, insanlar sosial mediada isə ölən qohumlarının hesablarına girişi itirməkdən qorxduqları üçün şirkətin sahibinin bu addımını tənqid ediblər. Lakin maraqlısı budur ki, Elon Musk tənqidçilərə qarşı qeyd edib ki, o, köhnə hesabları silmək əvəzinə arxivləşdirəcək.