Əmanətlərin Sığortalanması Fondunun Himayəçilik Şurasının tərkibində dəyişiklik baş verib.
BBN.az xəbər verir ki, Azərbaycan Respublikasının Maliyyə Nazirliyi aparatının Maliyyə xidmətləri üzrə siyasət şöbəsinin müdiri Ziyəddin Allahverdiyev Fondun Himayəçilik Şurasının üzvlüyündən çıxarılıb.
Onun əvəzinə Maliyyə Nazirliyi aparatının Maliyyə xidmətləri üzrə siyasət şöbəsinin müdir müavini Gündüz Əliyev Fondun Himayəçilik Şurasının əsas heyət üzvü təyin edilib.
Qeyd edək ki, hazırda **Əmanətlərin Sığortalanması Fondu**nun Himayəçilik Şurasının sədri Azərbaycan Mərkəzi Bankının sədr müavini **Gülər Paşayeva**dır. Himayəçilik Şurası ümumilikdə 7 üzvdən ibarətdir.