ABŞ-da inflyasiya ilə mübarizə aparmaq üçün Mərkəzi Bank (FED) tərəfindən əsas faiz dərəcələrinin yüksəldilməsinə baxmayaraq ötən ay qiymətlər artmağa davam edib.
BBN.az BBC Business-ə istinadən xəbər verir ki, iyulda illik inflyasiya 3.2% olub. Bu isə bir öncəki aydakı rəqəm olan 3%-dən yüksəlib. İyundakı rəqəm isə 2 ildən çox bir müddətə ən aşağı göstərici hesab edilirdi.
Qeyd edək ki, hazırda ABŞ-da əsas faiz dərəcələri 5.25 ilə 5.5 arasında dəyişir, bu isə son 22 ildə ən yüksək rəqəm hesab edilir. Bildirilir ki, ötən il ölkədə inflyasiya özünün pik həddinə 9.1%-ə çatmışdı. Nəticədə bu FED-in 2%-lik hədəfindən olduqca uzaq görünürdü.
Ancaq ekspertlər isə bildirirlər ki, hazırda ABŞ-da inflyasiyanın trayektoriyası cüzi artımın olmasına rəğmən düzgün istiqamətdədir.