2025-ci ilin yanvar–noyabr aylarında Azərbaycanda əsas kapitala 16 milyard 658,9 milyon manat məbləğində investisiya yönəldilib. Bu göstərici ötən ilin müvafiq dövrü ilə müqayisədə 3% çoxdur. Məlumatı Dövlət Statistika Komitəsi açıqlayıb.
Hesabat dövründə neft-qaz sektoruna yatırımlar 8,5% azalaraq, qeyri-neft-qaz sektoruna investisiyalar isə 8,3% artıb.
İstifadə olunmuş investisiyaların strukturu belə olub:
-
50,6% – məhsul istehsalı sahələri (8 421,2 mln manat),
-
33,7% – xidmət sahələri (5 614,3 mln manat),
-
15,7% – yaşayış evlərinin tikintisi (2 623,4 mln manat).
Əsas kapitala yönəldilən investisiyaların 78%-i (12 987,5 mln manat) daxili mənbələr hesabına formalaşıb. Yatırımların 76,2%-i (12 687,9 mln manat) isə tikinti-quraşdırma işlərinə sərf olunub.